喇叭嘅出現，其實係想同大家講：一定要全力做好崗位上嘅每一件事，俾機會人俾個機會
自己。
如果大家有睇credit的話，可能留意到我個名每晚都出現兩次，黎梓駿 喇叭；劇務 黎梓駿。
上年朋友問我跟唔跟劇做劇務，執頭執尾。好緊張，做咗網片制片好幾年，安排湊客陪笑指指點點當然冇問題。但正如IT佬都有做program定寫app，跟劇尤如轉field落手落腳由頭學起。對住一班前輩由頭學起。人哋話你，你都唔知係俾人恰定人哋行規係咁。
因為唔識，更加要肯學肯做，照顧好工作就去照顧吓演員，照顧好演員就睇吓有咩要幫，有時要人stand in 要路人行行企企就自己埋位，算係開頭唯一識做嘅事情。
就喺拍大排檔果日又扮食客，扮完棠哥叫我埋一邊傾計，話俾個角色我，叫喇叭，唔知戲份（劇本邊拍邊寫）。未演過戲躍躍欲試，加上老闆叫到梗係做。
唔係自己節目，唔係做綜藝，唔係30秒廣告，唔要浮誇唔要搞笑。第一日埋位竟然腦袋空白，又唔知角色性格係乜，揣摸吓角色？對白都冇企分幾鐘，可能下集就死，過兩日出劇本有兩句俾大佬鬧，過兩日又鬧到人仆街。完全摸不著頭腦喇叭係咩人。
拍吓拍吓又一日，上午做喇叭，下午做返劇務，有時喇叭出一鏡，又可以去化妝抖抖。
結局開始成型，喇叭戲份愈嚟愈多，對白長咗，高導自然有所要求，好似一當咁講：係咪樣樣嘢都要捉住你隻手教。喇叭同自己都邊做邊學邊成長。自己因腳傷冇完成整個制作，但喇叭一路走到最後一集。
因為自知唔係重要角色，自知唔係其他人咁好演技，好多時拍完都唔會，唔敢要求睇playback。每集有喇叭，都好似好自戀咁盯實睇自己做成點，又好尷尬心諗做得柒。
就嚟九點半，可以睇埋自己最後一場戲，希望表現合格，唔好拖後腿🤦🏻♂️
最後多謝 @stephen_au_stephen @cheungfishhh 俾我做喇叭，Osh!!🥰 九點半 @viutv 見
#打天下 #喇叭 #osh #viutv
Search